Tveir lyftarar hjá Stoyt lyfta til EM í masters

Í ár hevur Styrkifelagið Stoyt tveir lyftarar við til EM í masters. Talan er um Katrin Hovland Kristensen og Barbu Jansdóttir Andreasen, sum báðar lyfta í aldursbólkinum 35–39 ár.

Katrin lyftir í -58 kg vektbólkinum, meðan Barba lyftir í -63 kg vektbólkinum.

Hetta er fyrstu ferð, at Katrin luttekur til eitt EM. Hon hevur vant miðvíst fram ímóti kappingini, og hetta verður eisini fyrstu ferð, at hon skal lyfta í føroyska búnanum á altjóða palli.

Barba hevur áður roynt seg á EM-pallinum. Í fjør endaði hon sum nummar 9 við einum tvídysti á 140 kg, og vónirnar eru, at hon kann betra um plaseringina hesaferð.

Katrin lyftir í dag, 25. juni, klokkan 18:00 føroyska tíð á palli A.

Barba lyftir í morgin 26. juni klokkan 10:00 føroyska tíð á palli B.

Til ber at fylgja við kappingini á hesari leinkjuni:

Katrin: https://www.youtube.com/watch?v=xF7IMXfBYUY Barba: https://www.youtube.com/watch?v=Fld6gP-v1pk

Vit ynskja Katrin og Barbu bestu eydnu til EM!